KFUK-KFUM Voss

Voss KFUK-KFUM er ei aktiv hovudforening i KFUK-KFUM. Me held til midt på Vossevangen der me eig og driv huset Vonheim. Her er det aktivitetar og møtestader for born, ungdom, familier, vaksne og pensjonistar. I tillegg til alle dei frivilljuge som driv aktiviteten i foreninga, har me tilsett ein dagleg leiar, ein voluntør frå Tyskland, barnehagestyrar og to barnehageassistentar. Du er hjarteleg velkommen: Kvar måndag, onsdag og torsdag til Open Barnehage: (Sjå facebook.com/vonheimopenbarnehage), til Pensjonisten ein måndag i månaden, til Tween Sing, eller Refleks Ten Sing - og til fester, bibeltimer og møter og til SuperKluzz for heile familien ein gong i månaden. Sjå Facebook-sida vår (facebook.com/vosskfukkfum) eller ta kontakt!